Кызылда Улуг-Хемни кежир коммунал көвүрүгде чаартылга ажылдары кидин-түлүк

Амгы үеде “Восток” КХН тудуг организациязы көвүрүгнүң гидроизоляциязын кылып, быжыглаашкынын солуур ажылдарны чорудуп турар. 

Бо хонуктарда конустарын дыңзыдар база тиглерин эптээр ажылдар эгелээр. «Демир-бетон чадыгның кырын деңнеп, кирер оруктуң баштайгы асфальтызын чадып, солагай талазынче чырык шөйер чагыларны эптээр деп тур бис” – деп, «Восток” КХН-ниң участок начальниги Василий Мишарин чугаалаан.  

«Тыва Республиканың автомобиль оруктарының эргелели» ККА - ажылдың чагыкчызы. Орукчулар бо чылдың ноябрьда ажыглалче дужаар объектини дүрген дужаар дээш улуг хемчээлдиг ажылдарны дүн-хүн дивейн, шапкын темп-биле кылып турар. 

Ажылдар план езугаар чоруп, графикти мурнап турарын демдеглээр апаар.