Тывада чаңныктан бажыңы өрттенген өг-бүлеге дузалажыр
26.10.2019
Тываның Баштыңы Шолбан Кара-оолдуң даалгазы-биле, Чеди-Хөл кожууннуң Ак-Тал суурда хөй ажы-төлдүг өг-бүлеге бажың тудуп бээр акша-хөреңгини тускайлаан.
Регионнуң Баштыңының оралакчызы Валентин Ендан Ак-Талдан Душкун-оолдарның өг-бүлезинге бажың тударын контроьда алган. Бо өг-бүлениң бажыңы чайын чаңнык дүшкенинден өрттенген турган. Өг-бүле дөрт бичии ажы-төлдүг.
Валентин Енданның чугаазы-биле алырга, “Көдээ черлерниң турум хөгжүлдези” күрүне программазының шугуму-биле когарааннарга акшаны тускайлаан. Тываның Чазак даргазының оралакчызы бо чылдың төнчүзүнге чедир ол-ла суурга бажыңны тудуптарын аазаан.
Возврат к списку
|