Тываның Баштыңы хосталгада үнүп келген, хөй ажы-төлдүг кижилерни эдип-чазаары-биле черни аңгылааш, хойларны үзүп бээрин саналдаан

"Көдээ ажыл-агый яамызы (Тываның - ИФ) чаа хосталга, элээн каш ажы-төлдүг кижилерни “Аныяк өг-бүлеге – кыштаг” программага киириштирер аргазын көөрүн диледим” – деп, Ш. Кара-оол чугаалаан. 

Бо программа одар-белчиир кылыр чер участогун тускайлааш, 200 баш хой садарынга хуу чок чээлини берип турар. Оон аңгыда малчын турлаг тудуп алыр тудуг материалдарын чиигелделиг өртек-биле салып алыр арганы бээр. Малчын ийи чыл эрткенде, төлевилел фондузунче 200 баш хоюн эгидер. 

Ооң-биле чергелештир, программаның негелдезин хажыткан таварылгада, харыысалга олуруп чораан кижилерге шыңгыы болур ужурлуг деп, Тываның Баштыңы айыткан. 

"Хоругдал черинден үнүп келгеш, анаа-ла кежик алыр деп чүве турбас. Негелдени күүседип шыдавазыңза, дараазында ындыг деткимче кажан-даа турбас, а программаның күүседир негелдезин бир суур шыдавайн баар болза, оон шак ол деткимчени ол суурга бербес бис” – деп, Ш. Кара-оол тайылбырлаан. 

Тывада кем-херектерниң 62 хуузун херекке онаажып чораан кижилер үүлгедип турар. Ынчангаш ооң мурнунда олуруп чораан кижилерни эки орукче углаары-биле, күзелдиг кижилерни “Аныяк өг-бүлеге – кыштаг” төлевилелче хаара тудары ол.