Тывага молекуляр-генетиктиг лабораторияны ажыдарын көөр
07.10.2019
Тываның Кадык камгалал яамызы “Ыжык аарыглары-биле демисел” төлевилел чорудуу-биле 2020-2021 чылдарда республиканың эмнелге организацияларынга молекуляр-генетиктиг лабораторияны ажыдар аргаларны өөренип көөр.
Республиканың СПИД төвүнүң лабораториязынга шенелде хыналдарны чорудар. Шинчидип турар кижиниң ыжык аарыгларындан аарып болурун молекуляр-генетиктиг диагностиканың инновастыг арга-хевири тодарадыр аргалыг. Бир эвес угунда ындыг чүүл бар болза, аарыг кижиниң ажы-төлүнге арга-сүмелерни кадар.
Аарыг кижилерни шилиттинген эмнер-биле элээн чедимчелиг эмнээринге алдынган медээлерни ажыглаар. “Кадык камгалалы” национал төлевилел-биле шинчиириниң болгаш эмнээриниң чаа аргаларын ажыглап киирер.
Возврат к списку
|