Тываның Баштыңы бодунуң оралакчыларынга даалгаларны берген

Александр Щур Тыва Чазактың корум-чурум камгалаар адырының ажылын күштелдирер, а Аяс Чудаан-оол амыдырвл-хандырылга айтырыгларын контрольга тудар, а Тыва Республиканың Баштыңының оралакчызы – көдээ ажыл-агый болгаш аъш-чем сайыды Валентин Ендан адырны хөгжүдериниң айтырыынче дорт кирер херек. Экономика адырының мурнунда улуг сорулгалар салдынган. 

«Тываның социал-экономиктиг хөгжүлде планын хевирлээрин, РФ-тиң Экономиктиг хөгжүлде яамызы-биле шупту пунктуларны дугуржурун август айда доозар, оон РФ-тиң Чазаанга бадыладыры-биле киирер” – деп, Тываның Баштыңы демдеглээн. 

Россияның экономиктиг хөгжүлде сайыды Максим Орешкин удавас келирин, регионнуң удуртукчузу дыңнаткан.  

РФ-тиң Чазааның “Тыва Республиканың социал-экономиктиг хөгжүлде программазын бадылаар дугайында” айтыышкынының дөзевилелинде 347 хемчеглер кирген: 74 органистыг хемчеглер, 57 мурнады боттандырар коммерциялыг төлевилелдер, 216 инфраструктура төлевилелдери.