Тываның Баштыңы чоокку ажыл хонуктарының кол айтырыгларын айыткан

Мал чемин курлавырлаарын, одалга сезонунга белеткелди уламчылап, тудуг болгаш капитал септелге ажылдарын ара тургузуп болбас деп, ол демдеглээн. Кол харыысалга адырлар яамылары биле муниципалдыг кожууннар чагыргаларынга онаажыр. Чаа өөредилге чылынга белеткел база башкыларның август хуралын база аңгы көрген.  

Август 15-те демдеглеп эрттирер Республика хүнүн база сайгарган.  

Тываның хөгжүлдезинге үлүг-хуузун киирип, чедиишкиннерни чедип алган ажыл-ишчи кижилерни, күш-ажылдың хоочуннарын төлептиг демдеглээрин Тываның Баштыңы айыткан. «Тыва күрүнениң төрүттүнген хүнү-дүр ол. Ынчангаш төөгүже хая көрнүп, күрүне демдектеринге хүндүткелди илередип, культура, экономика тургузуушкунун, күрүне эргелеп-башкарылгазын хевирлээринге үлүүн киирген эге баштайгыларынга хүндүткелдиң мөгейиин кылыр” – деп, Шолбан Кара-оол чугаалаан. 

Республиканың күрүне эрге-чагырга органнары адырларның хөгжүлделиг оруун тайылбырлаарга хөй-ниити-биле кады ажылдаарының бүгү аргаларын: хамаатылар-биле темалыг интернеттен эгелээш чон хүлээп алыышкыннарын ажыглап, ажык-чарлыг чорукту хандырар. 

Чазак Аппарады муниципалдыг тургузугларга Тыва Республиканың Чазааның хүлээп алыышкынын эрттирерин чедип алыр. Байырлал бүдүүзүнде база байырлал хүннеринде хүлээп алыышкынның чиге графигин тургузар. 

Неделяның бир улуг хемчээнге “Азия төвүнде хөөмей” делегей мөөрей-фестивалы хамааржыр. Тываның Баштыңы фестивальды бедик деңнелге организастап эртирер даалганы Тываның культура сайыды Алдар Тамдынга дааскан.