Тываның Баштыңы: Президентивистиң “дорт шугумнары” - амыдыралдың кайы-даа адырында ажыл-чорудулганы хандыр көөрүнге көскү көргүзүг

«Бистиң Президентивистиң дорт шугумнары - амыдыралдың кайы-даа адырында ажыл-чорудулганы хандыр көөрүнге, аңгы-аңгы хөй информацияларны билириниң база хуу, тус черниң азы удурланыкчыныы-даа болза, байдалды хөй талалыг сайгарарынга көскү көргүзүг-дүр. Российжилерниң айтырыглары дамчыдылгадан дамчыдылгаже колдуунда хевээр арткан: медицинаның шынары болгаш чедингири, өөредилге, чурттаар чер айтырыглары дээш оон-даа өске. Владимир Владимировичиниң бичии-даа хемчээлдиг айтырыгларны эки билирин онзазындым. 

Кым чүнү манап турганыл, дыңнаан боор. Кончуг улуг мегаполистерде безин тудуг инфраструктуразы-биле бергедээшкиннер бары меңээ чаа чүүл болду. Тудуг рыногун күрүнеден таарыштырарының механизмнерин дилеп, ону шиитпирлээр апаар. Бистиң ол айтырыг талазы-биле чазакче киирген айтырыгларывыс Президентиниң кичээнгейинде барган боор. Эштер, бир эвес дорт харылзааны көрген болзуңарза, силер-биле бисти дүвүреткен дыка хөй айтырыгларның барын дыңнаан боор силер. Ол дөрт шак менээ дыка дүрген эрте берди. Ам айтырыгларны кады шиитпирлээр бис”.