Шолбан Кара-оол Шериг-медицина академиязында эмнедип чыдар оолга ужурашкан
10.06.2019
Хирургия, офтальмология база отоларингологияның шериг клиниказының начальнигиниң бодунуң хайгааралы-биле аарыг кижиге нарын кезиишкинни кылган.
Тываның Баштыңы Шолбан Валерьевич Кара-оол июнь7-де академияга баргаш, озал-ондак уржуундан аар балыгланган оолдуң байдалын сонуургаан. С.М. Киров аттыг шериг-медицина академиязының үш эмнелгезиниң эмчилери оолду ай ажыр эмнеп турарлар. Ол нарын кезиишкиннерни эки эрткен.
Аарыг кижи дүрген сегип турар болгаш, бо чоокку үеде авазы-биле чаныптарлар деп, эмчилер чугаалаан. Шолбан Валерьевич Кара-оол эмчилерге четтиргенин илереткеш, чаңгыс чер-чурттуу-биле элээн үр чугаалашкан.
Тываның Баштыңы академияга келгеш, манаавааны ужуражылгага таварышкан. Клиника чанында чаңгыс чер-чурттуглары манап турган. Амгы үеде Шериг-медицина академиязында республикадан ийи курсант өөренип турар. Шериг эмчилер Тывадан ам-даа элээн каш оолдар, кыстар бо чылын өөренип келир боор деп күзелин илереткен.
tvzvezda.ru
Возврат к списку
|