Тывада «Араттарны деткиир системаны тургузары болгаш көдээ кооперацияны хөгжүдери» федералдыг төлевилел боттанып эгелээн

Федералдыг төлевилел тараачын (арат) ажыл-агыйын, көдээ ажыл-агый хереглел кооперативтерин тургузар планныг хамаатыларга, оларның кежигүннеринге, тараачын (арат) ажыл-агыйларынга күрүне деткимчезин бээр. 

«Агростартап» бо чылын бүрүткеткен тараачын (арат) ажыл-агыйларынга база тараачын (арат) ажыл-агыйын тургузар планныг хамаатыларга грантыларны бээр.  

Көдээ ажыл-агый хереглел кооперативтериниң бо саң-хөө чылында үндүрген дараазында чарыгдалдарын дуглажыр:  

а) ук көдээ ажыл-агый хереглел кооперативтериниң кежигүннериниң өнчүзүнче (ажыглалынче) дамчыдып бээр сорулга-биле эт-хөреңги садып алган болза;  

б) көдээ ажыл-агый хереглел кооперативтериниң кежигүннеринге ачы-дуза көргүзер дээш көдээ ажыл-агый продукциязын (хаван ажыл-агыйының продукциязындан аңгыда) болбаазырадыр көдээ ажыл-агый техниказын, дериг-херекселин база көжүп чоруур садыг объектилерин садып алган болза;  

в) көдээ ажыл-агый хереглел кооперативтериниң кежигүннеринден көдээ ажыл-агый продукциязын садып алыр болза. 

«Агростартап» грант бээриниң конкурузун албан езузу-биле чарлаан соонда документилерни хүлээп эгелээр.