Тыва Республиканың Аныяктар Чазааның VI составын хевирлээри-биле конкурсту чарлаан

Тыва Республиканың Баштыңының 2019 чылдың апрель 3-те "Тыва Республиканың Аныяктар Чазаан тургузар дугайында" № 72 чарлыы езугаар конкурсту эрттирер. 

Тыва Республиканың девискээринде доктаамал чурттап турар, 18-тен 35 хар назылыг Россия Федерациязының хамаатылары конкурска киржип болур. Ниити болгаш эге профессионал өөредилге сургуулдары, ортумак болгаш дээди профессионал өөредилге албан черлериниң студентилери болгаш доозукчулары, аспирантылар, аныяктарның хөй-ниити организацияларының төлээлери, аныяк специалистер болгаш Тыва Республиканың организация-эрге-хоойлу хевирлериниң шупту организацияларының өске-даа ажылдакчылары конкурска киржип болур. 

Тыва Республиканың Аныяктар Чазааның составын конкурска даянып хевирлээр.  

Дараазында албан дужаалдарга: Аныяктар Чазааның даргазынга, Аныяктар Чазааның даргазының оралакчызынга, Тыва Республиканың Аныяктар Чазааның 20 кижи составтыг кежүгүннеринге конкурсту чарлаан. https://docs.google.com/forms/d/1qZNkk2imUW4HocrrbC3E.. шөлүгде гугл-майыкта ышкаш билдириишкинни бижээш, конкурсче киирер. Билдириишкиннерни 2019 чылдың июнь 1-ге чедир хүлээр. Бир эвес айтырыгларыңар бар болза, molotdel@inbox.ru почтаже бижээш, азы 8-394-22-6-05-03 дугаарлыг телефонче долгааш, харыыларны ап болур силер.

 Регионнуң аныяктар политиказының лидери болур арга бар болганда, ону черле хилис эрттирбеңер! 

 Аныяктар политиказының департаментизи