«Чаңгыс суур – чаңгыс бүдүрүлге» губернатор төлевилелин 2018 чылда күүсеткениниң баш бурунгаар түңнелдери

Губернатор төлевилелиниң киржикчилери дараазында үре-түңнелдерни чедип алган: 

- продукция бүдүрүлгезиниң (ажылдар, ачы-дузалар) хемчээли акша-биле 300,45 млн. рубль болган; 

- боттуг продукция бүдүрүлгезиниң хемчээли: 5369,16 тонна аъш-чем продукциязы, 5796,3 куб. метр тудуг материалдары база 163,2 муң кезек шлакоблоктар; 

- Тыва Республиканың турисчи баазалары 5846 кижини хүлээп алган; 

- үндүрүг киирилдези - 21,34 млн. рубль; 

- 281 ажылчын олуттар тургустунган. 

Отчеттуг чылда «Чаңгыс суур – чаңгыс бүдүрүлге» губернатор төлевилелиниң киржикчилериниң саны 121 кижи четкен.

 Республиканың садып алыкчыларынга билдингир продукцияларның шынары чылдан чылче экижээн. Оларның аразында дараазында сайгарлыкчыларның барааннарын онзалап демдеглээн: 

- ХБ Конга О.О.-ның, Бай-Тайга кожуундан ТФА Хертек К.Д.ның база Бии-Хем кожуундан ХБ Санаа М.С.-ның кондидер кылыглары; 

- Барыын-Хемчик кожуундан ХС Монгуш Ч.М., Кызыл кожуундан ТФА Ким Г.А.-ның ногаа продукциязы; - Кызыл кожуундан «Заря» КБбК, Бии-Хем кожуундан «Аржаан» КБК эът продукциязы; 

- ХБ Манчык-оол А.А.-ның ыяш материалдары. 

2018 чылда 738,51 тонна эът продукциязын, 1680,4 тонна сүт продукциязын, бүгү республикада ниити дүжүттүң 4, 5 хуузу азы 636,61 тонна ногаа культураларын бүдүрген.

Эң хөй үндүрүглерни дараазында кожууннардан киржикчилер төлээн: Каа-Хем кожуун – 6171,6 муң рубль (2017 чылга деңнээрге 5,2 катап хөй – 1197,9 муң рубль), Бии-Хем кожуун – 4830,0 муң рубль база Өвүр кожуун – 2184,4 муң рубль.