Тываның Чазаанга онза байдалар болгаш өрт айыылының талазы-биле комиссияның хуралы болуп эрткен

Тываның гидрометео төвү республикада харның кылыны ортумак көргүзүгден аштпас дээрзин дыңнаткан. Чүгле Чеди-Хөл кожуунда хар элээн кылын.  

Республика яамылары биле ведомстволар удуртукчулары база кожуун чагырга даргалары часкы үерлээшкинни озал-ондак чок эрттирер дээш чоруткан белеткел ажылдарының дугайында илеткээн. Суг халавы-биле холбаштыр бооп болгу дег онза байдалдарны чайладыр күштерни болгаш техниканы үе шаанда белеткээн, чурттакчы чонга тайылбыр ажылын күштелдирген. Кожууннарда материал-техниктиг курлавырлар саны эвээжин айыткан. Ынчангаш материалдыг болгаш саң-хөө курлавырларының хемчээлин база нормативтерин эде көөрүн шиитпирлээн. Кожууннарже үнүп, боттуг деткимчени көргүзерин удуртукчуларга сүмелээн. 

Тыва Республиканың ХК база ОБ талазы-биле өөредилге-методиктиг төпке удуртукчуларын болгаш специалистерни белеткээр айтырыгны база комиссия хуралында көрген.