Тывада күрүне албан хаакчыларының доктааткан ажыл чурумун хынаар

Тываның Баштыңы Шолбан Кара-оол республика яамыларының ажылдакчыларының ажыл регламентизин хынарын дааскан.  

"Үндүрүг төлекчилериниң бистен, күрүне албан-хаакчыларындан манап турары тодаргай ажыл-хөделиишкиннерни күүседир ужурлуг бис. Хүндүлүг удуртукчулар, яамыңар ажылының дугайында дүрүмнүң сөзүглелинче кичээнгейни салып, специалистериңерниң, ажылдакчыларның доктааткан ажыл чурумун тодаргай айтырын силерден дилеп тур мен» - деп, Ш.Кара-оол понедельникте, аппарат хуралында чугаалаан. 

Күрүне албан-хаакчыларының харыысалгалыг шиитпир хүлээп алырындан былдамыштаар чоруун регионнуң эрге-чагыргазы үзе шавар ужурлуг деп ол санаан. База ол ышкаш, яамыларның ажылының, албан-хаакчыларның ажыл регламентизин неделя дургузунда хынаарын ол айыткан.

 Интерфакс