Асашори Дагвадоржтуң алдарлыг сумо школазынче шилиишкинге киржир күзелдиг оолдарга медээ

13.00 шакта ону байырлыы-биле ажыдар. Фестивальдың хүндүлүг аалчызы — сумога алдарлыг моол мөге Асасерю Акинори . Хүреш 13.30 шакта эгелээр. 

Асашори Дагвадоржтуң алдарлыг сумо школазынче шилилде эртер күзелдиг шупту оолдар маргылдаага киржир.  

Дараазында адрестиг "Тыва" спорт школазының административтиг бажыңынга, август 3-те киржикчилерни бүрүткеп эгелээр: Кызыл хоорай, Полевая кудумчузу, 1а. Тайылбыр алыр телефоннар: 2-84-94, 6-04-16.  

Тыва Республиканың Аныяктар херээ болгаш спорт яамызы маргылдааның бичии киржикчилерин бүрүткээр. Оолдары хүрежип чоруур (кандыг-даа хүреш-биле) ада-иелер, хоойлу езугаар төлээлер дараазында адреске: Кызыл хоорай, Полевая кудумчузу, 1а-га кээр, азы 2-94-84; 8(962)062-45-23; 6-04-16 телефоннарже долгаар, азы 8-913-341-52-59 телефонче смс-дыңнадыгды чорудуп болур. 

Тываның Баштыңы спортчу хемчегниң белеткелиниң талазы-биле организастыг хуралды эрттирген. Ооң даалгазы-биле, республиканың шупту кожууннарында оолдарны чыып турар. Республика Баштыңы Шолбан Кара-оол ол оолдарның аразындан эң-не салым-чаяанныг ийи оол тыпты бээринге идегелдиг.  

«Сумонуң хааны, мээң эжим, өндүр улуг Асaшори Д. Дагвадорж (Моол) бодунуң школазынга өөредир оолдарны шилип алыр. Булуң бүрүзүнден, эң-не ыраккы черлерден база малчын аалдардан оолдарны «Хүреш» стадионунга август 4-де эккээр кылдыр бүгү Тывага кыйгы салып тур мен. Ындыг чүүл 100 чылда чаңгыс катап тургустунар боор. Алдарлыг спортчунуң шак-ла ындыг улуг оруу ышкаш тоол, бистиң оолдарывыстың бирээзинге таварышсын деп күзеп тур мен. Бистиң оолдарывыс шыдаар дээрзинге бүзүрээр мен, чүгле бурунгаар бир базым кылырынга дуза херек! Ол чугула хемчегни организастап эрттирер дугайында бөгүн чугаалаштывыс» – деп, Шолбан Кара-оол бодунуң блогунда бижээн.