Россияның камгалал сайыды ХКД чурттарының мурнунда ниити чөңгээлер болгаш кыжаныгларны айыткан

«Азияның географтыг төвү – Кызылда кожа-хелбээ күрүнелерниң камгалал сайыттарының чөвүлел хуралы эрттип турары улуг уткалыг. Ниити кызыгаарлар база шаг төөгүден бээр харылзаалыг чораанывыс, эң чугула темаларга бот-боттарынга бүзүрелдиг чугааны чорудар арганы берип турар» – деп, Сергей Шойгу чугаалаан. 

Кожа-хелбээ чыдары, кайызынга-даа ажыктыг кады ажылдажылга, регионнуң турум чоруу – чаңгыс аай бо угланыышкыннар ХКД талазы-биле партнерларны каттыштырган деп, ол демдеглээн.  

«Сөөлгү үениң болуушкуннарынга, бир дугаарында делегей террорунуң талазындан, эң көскү ниити чөңгээлер болгаш кыжаныгларга удур кады туржур апаар бис» – деп, российжи шериг ведомствонуң удуртукчузу демдеглээн.  

«Камгалал сайыттарының чөвүлел хуралы национал болгаш ниити сонуургалдарывысты көрүп, кады ажылдажылганың арга-хевирин көвүдедир арганы бээр. Бо хурал ол орукта чугула базым болур. Күрүнелеривистиң чаагай чоруу дээш үре-түңнелдиг ажылдаарын күзедим» – деп, Сергей Шойгу чугаалаан.  

Моолдуң камгалал сайыды Нямаагийн Энхболд хүндүлүг аалчы кылдыр Чөвүлел ажылының төөгүзүнде бир дугаар киржип турарын демдеглээн. 

Россияның камгалал сайыды саммит киржикчилериниң өмүнээзинден Азербайджанның шериг ведомствозунуң баштыңы, генерал-полковник Закир Гасановка төрүттүнген хүнү-биле база Арменияның камгалал сайыды албан-дужаалга томуйлатканы дээш Давид Тоноянга байырны чедирген. 

 РФ-тиң Камгалал яамызы