«Тыва Республиканың күүсекчи эрге-чагырга органының шылгараңгай кадр ажылдакчызы» мөөрейни түңнээн
29.05.2018
Тыва Республика Баштыңының Администрациязының күрүне албаны болгаш кадрлар курлавырының талазы-биле департаментизи профессионал мергежилдиң «Тыва Республиканың күүсекчи эрге-чагырга органының шылгараңгай кадр ажылдакчызы» мөөрейни үш дугаар эрттирген.
Мөөрейниң чуруму езугаар ийи чадага: күш-ажылчы хамаарылга, күрүне хамааты албаны болгаш коррупцияга удур, кадрлар херектерин эмгелээр дугайында хоойлужудулга адырында билииниң деңнелин илередир айтырыг-харыыларны май 14-те база команда аайы-биле маргылдааны май 19-та организастаан.
Май 24-те, Кадр ажылдакчызының хүнүнде, республиканың күүсекчи эрге-чагырга органнарының кадрлар килдизиниң ажылдакчыларынга семинар хурал үезинде мөөрейниң түңнелдерин үндүрген:
Тыва Республиканың Шүүгү яамызының кадр болгаш эрге-хоойлу хандырылгазының сектор эргелекчизи Балзанай Аржаана Хая-Маадыровна 88 санны алгаш, I чергениң диплому-биле;
Тыва Республиканың Күш-ажыл болгаш социал политика яамызының организастыг айтырыглар, эрге-хоойлу, кадр хандырылгазы болгаш контроль килдизиниң консультантызы Серен Олеся Олеговна 87 сан алгаш, II чергениң диплому-биле;
Тыва Республиканың Культура яамызының кадр болгаш эрге-хоойлу хандырылгазының килдис начальниги Баяндай Аяна Данзы-Байыровна 82 сан алгаш, III чергениң диплому-биле шаңнатканнар.
Возврат к списку
|