Тываның Баштыңы Шолбан Кара-оол РФ-тиң Президентизиниң инагурациязында: Владимир Путин чүгле Россияны эвес, а делегей чурумун өскерткен

Улуг Кремль ордузунуң Андреев залынче Россияның Күрүне тугун, Президентиниң Штандартын, Россияның Конституциязын база Россия Президентизиниң демдээн байырлыы-биле киирип эккээри-биле езулал эгелээн. 

Владимир Путин Россия Федерациязының Конституциязының 82 чүүлү езугаар, Федерация Чөвүлелиниң кежигүннери, Күрүне Думазының депутаттары база Россия Федерациязының Конституция Судунуң судьялар мурнунга Россияның чонунга даңгыраан берген. Конституция Судунуң даргазы Валерий Зорькин Россия Федерациязының Президентизи албан-дужаалче Владимир Путинниң киргенин чарлаан. 

Тываның Баштыңы Шолбан Кара-оол чурттуң кол болуушкунунга хамаарыштыр бодалын илереткен: «Россияның Президентизи албан-дужаалче Владимир Владимирович Путинниң киргениниң езулалынга киржип турдум. Төөгүлүг бо хүнде сагыш-сеткил көңгүс бир янзы-дыр. Чүгле Россияның эвес, а бүдүн делегейниң чурумун өскерткен мындыг алдар-аттыг кижи болгаш политик-биле чаңгыс командага ажылдаар аас-кежик кижи бүрүзүнге келбес. Хөлзээшкинниг хоозуралдан күрүнени ол камгалаан. Путин – хая-даш-тыр. Российжилер шын шилилдени кылганынга бүзүрээр мен. Россияның келир үезин Президент-биле кады улам күчүлүг кылдыр моон-даа соңгаар тудар дээш, чаңгыс демниг болуп артарывыс чугула».