Тываның Баштыңы часкы үениң бооп болур онза байдалдарын болдурбас база ооң-биле демисежир сорулганы салган

 «Ийи неделя бурунгаар чугаалашканывыс айтырыгның бооп болур айыылы улгаткан. Кызыл, Каа-Хем, Туранда ий черлерде эрээн харлар баткаш, сугга алзып, кургаг сиген, арга-арыг өрттери бооп болур чыгыы. Сезоннуң онза байдалдарын болдурбас база ооң-биле демисежир хүлээлгелиг шупту албаннар кезээде белен турар ужурлуг. Оралакчым А.П. Дамба-Хууракка база Арга-арыг күрүне комитединиң удуртулгазынга чурттакчылыг черлер девискээрлеринге кургаг сиген болгаш бок өрттедирин хоруур, оттан арга-арыгны камгалаар дугайында нормативтиг эрге-хоойлу актызын хүлээп, ооң күүселдезин хыналдага алырын онаадым» - деп, республика баштыңы дыңнаткан.  

Тываның Гидрометеорология база долгандыр хүрээлел мониторингизиниң талазы-биле төптүң дыңнадыы-биле алырга, марттың 23-тен 26 хүннеринде, Тыва Республика девискээринге хүндүс агаарның температуразы 10- 15 градус чедир чылыыр.  

Ий черлерден баткан, дош кырындан аккан сугларга чавызааш участоктар алзып болур чадап чок.