Тывада ажыл чок хамаатыларның саны кызырылган

2018 чылдың январь 31-ден февраль 7-ге чедир чонну ажылга хаара тудар органнарда бүрүткеткен ажыл чок хамаатыларның саны 0,8 хуу кызырлып, 785 700 кижи болган. Чыл бурунгаар ол көргүзүг - 907 610 кижи турган. 

Неделя дургузунда 14 регионда ажыл чок хамаатыларның саны кызырылган. Ленинград облазында, Ханты-Манси автономнуг округда – Юграда, Тыва база Дагестан республикаларда ажыл чок хамаатылар саны эвээжээн. 

70 регионда ажыл чок хамаатылар саны көвүдээн. Сахалин, Калининград, Астрахань, Курск областарда, Карелия, Татарстан, Саха (Якутия), Соңгу Осетия – Алания республикаларда, Хабаровск крайда, Чукот автономнуг округда ажыл чоктар саны өскен.  

Пенза областа ажыл чоктарның саны өскерилбээн.  

Февраль 7-ниң байдалы-биле, администрацияның саналдааны езугаар анаа ажыл чок олурар, долу эвес ажыл хүнүнде ажылдыг, ийи таланың чөпшээрежилгези-биле шөлээде кижилерниң ниити саны 124229 кижи болган. Ооң иштинде:  

• администрацияның саналдааны-биле анаа ажыл чок олурар кижилерниң саны - 17256; 

• долу эвес ажыл хүннүг кижилерниң саны – 105214;  

• ийи таланың чөпшээрежилгези-биле шөлээде кижилерниң саны – 1759 кижи. 2018 чылдың январь 1-ниң медээзи-биле алырга, Россия Федерациязында ажылдаар назылыг кижилерниң ортумаа-биле 1 хуузу ажыл чок деп бүрүткеткен (2017 чылдың январь 1-де – 1,2 хуу). 

2018 чылдың февраль 7-нии-биле көөрге, чонну ажылга хаара тудар органнарже ажыл берикчилериниң дыңнаткан хостуг олуттарының саны – 1,4 млн.