Тывада 11 класстың 290 доозукчузу орус дылга чаңгыс аай күрүне шылгалдазын шенеп дужааган

Хаптааш таңмалаан орус дылдың КИМ-нерин аудиторияларга уштааш, ооң харыыларын тускай саазыннарга долдурарынга 3 шак 30 минутаны киржикчилерге берген.  

Шенелде шылгалдалар шын экзамен ышкаш эрткен: өөреникчилерни чыскаагаш, тайылбырны бергеш, демир дилээр херекселдер-биле хынааш, класстарга тарады олурткан. Регионнуң шылгалда комиссиязының кежигүннери өөреникчилерниң ажылдарын хынаан. 

Доозукчулар ажылының түңнелдерин февраль 10-да алгаш, чаңгыс аай күрүне шылгалдаларынга белеткел үезинде илерээн боттарының частырыгларын эдер. Күрүнениң шылгалда комиссиязының кежигүннери шенелде шылгалданы эрттирерин хандырган. ТР-де регионнуң информация ажылдаар төвүнүң специалистери видео конференция харылзаазы дамчыштыр күрүнениң шылгалда комиссиязының кежигүннери-биле оперативтиг хурал чыырының щенелдезин база кылган.  

Штаттыг чурум-биле шенелде эрткен, техниктиг болгаш организастыг үрелиишкиннер болбаан. Тываның Өөредилге болгаш эртем яамызы