Декабрь 12-де Тываның Баштыңының Айыткалын интернет четкизинге, ооң иштинде Telegram - https://t.me/karaool/ онлайн-дамчыдылгага дамчыдар

Тываның Баштыңы Шолбан Кара-оолдуң ТР-ниң Дээди Хуралынга бо чылдың айыткалын дорт дамчыдылгада көрүп болур.  

 Декабрь 12-де Тываның Баштыңының Тыва Республиканың Дээди Хуралынга (парламентиге) чыл санында бээр Айыткалын бо удаада Интернет четкизинге дорт база дамчыдар. Регионнуң удуртукчузу Айыткалында амгы социал-экономиктиг байдалды анализтеп, чоокку үеде республика хөгжүлдезиниң кол угланыышкыннарын айтыр.

 Интернет четкизиниң ажыглакчылары gov.tuva.ru албан езузунуң порталынга, youtube албан езунуң каналынга айыткалды дыңнаар аргалыг. Айыткалды бо чылын социал четкилерден аңгыда, Тыва Республиканың Баштыңының Telegram - https://t.me/karaool/ албан езунуң каналындан база дорт көрүп болур.

 ТР-ниң Информатизация болгаш харылзаа яамызының деткимчези-биле OVAA Медиа, ПАО «Тывасвязьинформ» ЭАН, "Тува 24" телеканал, КП «Центр Информация технологияларының төвү» интернет дамчыдылганы хандырар.