Тываның Баштыңы ажыл-албан аайы-биле Москва хоорайда сургакчылаашкында

Тываның Баштыңы Шолбан Кара-оол, ноябрь 21-де, «Россия Федерациязында иштики болгаш үнүүшкүннүг туризмни хөгжүдери» федералдыг тускай сорулгалыг программа талазы-биле каттышкан чөвүлелдиң ХVIII хуралында киржип турар. 

 «2011-2018 чылдарда Россия Федерациязында иштики болгаш үнүүшкүннүг туризмни хөгжүдери» федералдыг тускай сорулгалыг программаның хемчеглерин боттандырарынга 2017 чылдың федералдыг бюджединден субсидияларны бээриниң дугайында дугуржулгаларда РФ-тиң субъектилери боттарының хүлээлгелерин күүсеткениниң айтырыгларын чугаалажыры планнаттынган.  

 Тыва Республиканың Чазаа 2012-2014 чылдарда республиканың турисчи инфраструктура хөгжүлдезинче 234,1 млн. рубльди «2011-2018 чылдарда Россия Федерациязында иштики болгаш үнүүшкүннүг туризмни хөгжүдери» федералдыг тускай сорулгалыг программа чорудуу-биле хаара туткан. 

 Оон аңгыда сургакчылаашкын үезинде Тываның Баштыңы федералдыг яамыларга чугааларны чорудар.