Тывада «Енисей хүнү» экологтуг байырлал эгелээн

 Тывада бедик сыннарындан агып баткан муң-муң хемчигештерден эгезин алган Сибирьниң улуг хеминге тураскааткан фоточуруктар мөөрейи, шүлүк кежээзи, номнар делгелгези, кинолар көрүлдези программада кирген. Енисей азы Улуг-Хем ийи улуг адыр - Бии-Хем биле Каа-Хемден тургустунган.  

Ийи хемниң белдиринде Азия диптиң географтыг төвү - Тываның найысылалы Кызыл хоорай чаптылган. Улуг-Хемниң эрик кыдыында ады-сураа билдингир российжи скульптор Даши Намдаковтуң «Хаан аңнаашкыны» деп архитектурлуг комплекизин аңаа тураскаадып туткан.  

Енисей (Улуг-Хемниң) хүнүн республикага сентябрь 30-ге чедир демдеглээр. Интернет-викторинаны, «төгерик столдарны» эрттирип, чүгле күчүлүг хемниң эриин дургаар эвес, а ооң адырларынга субботниктерни организастаар. Оон аңгыда экологтуг байырлалда чадаг-тергелиг селгүүстээшкинни, «Азия төвү» тураскаалдың «Хаан аңнаашкыны» төп архитектурлуг ансамбль чанынга «Енисейге ынак бис» флешбомну эрттирер.