Тыва 2018 чылда Моолче авиарейстерни ажыдар

 ВЛАДИВОСТОК, 7 сентября. /ТАСС/. Тываның найысылалында аэропорт делегей чергелиг эрге-байдалды алган соонда, 2018 чылда Кызыл (Тыва) - Улан-Батор (Моол) рейсти ажыдар планныг. Ооң дугайында республиканың Баштыңы Шолбан Кара-оол Чөөн чүк экономиктиг шуулган үезинде ТАСС-ка интервью берип тургаш, чугаалаан. 

 "Сентябрьда аэропорттуң эде тудуушкун ажылдары доостур, декабрьда документилери болу бээрге, февральда делегей чергелиг эрге-байдалды алырын бодап турар бис. Аэропорт улуг самолеттарны база хүлээп эгелээр, Кызыл - Улан-Батор аразында рейс оларның бирги авиашугуму болур чадавас» - деп, ол демдеглээн. 

 Москваже дорт ужудуушкунну организастаар дугайында S7 авиакомпания-биле дугурушканын Тываның Баштыңы дыңнаткан. Аргыжылгаже моол авиакомпанияларны хаара тудары планнаттынган. 

 Кызылдың аэропортунуң эде тудуушкуну 2016 чылда эгелээн. 2016-2017 чылда аэропорттуң ужуп-хондурар шөлүнүң тудуунче ниити-биле 1,05 млрд рубль инвестиция салыышкынын киирген. «Россияның транспорт системазын хөгжүдери" федералдыг тускай сорулгалыг программа-биле «Аэропорт комплекизин (Кызыл хоорайда) эде чаартыры» инвестиция төлевилелин боттандырып турар.  

 Сентябрь 6-7-де Владивостокка Чөөн чүктүң экономиктиг үшкү шуулганы болуп эрткен. ТАСС агентилели Чөөк чүктүң экономиктиг шуулганы-2017-ниң инвестиция төлевилелдерин таныштырар зонаның модератору, албан езузунуң фотохост-агентилели, чиңгине информастыг партнеру кылдыр санадыр.