Тыва Россияның Коммуникация болгаш харылзаа яамызының «Айыыл чок оруктар» деп медээлер төлевилелинче кирген
14.06.2017
Aвтомобиль оруктарында орук-транспорт озал-ондааның база септелге ажылдарын көргүскен бүгү чурт масштавында «Айыыл чок оруктар» медээлер курлавырын хевирлээринге киржири-биле Тыва белеткенип эгелээн.
Республика Чазаа безопасныедороги.рф сайтыны ажылдап кылгаш, 2016 чылдың сентябрьда ажыглалче киирген оператор РФ-тиң Комхарылзаа яамызы-биле дугуржулганың төлевилелин бадылаан.
Республика бодунуң девискээринде автомобиль оруктарында байдалдың дугайында чугула медээлер курларывыр дамчыдарын дугуржулгада хүлээндирген. Бүгү автооруктарның дугайында медээлер, ында чоруп турар ажылдарының, орук-транспорт болуушкуннарының болган чериниң, метеостанцияларның, орук демдектериниң, оларны тургусканының болгаш чырытканының, светофорлар дугайында информациялар албан бээр медээлер даңзызында кирген. Тываның Чазаа республиканың оруктарында байдалдар талазы-биле медээлерни чаартыры-биле холбашкан шупту айтырыгларны шиитпирлээр бүрүн эргени ТР-ниң Орук-транспорт комплекизиниң яамызынга онааган.
Сайтыда орук шимчээшкининиң киржикчилери-биле удур харылзааның шугуму ажылдап турар. Ажыглакчылар «Инициативы» кезек таварыштыр орук шимчээшкинин организастааны-биле холбашкан медээлерни дамчыдып болур. Күрүне ачы-дузаларының чаңгыс аай порталында Идентификация болгаш аутентификацияның чаңгыс аай системазы (ЕСИА) дамчыштыр авторларның иницивативаларын бадылаар.
Тываның орук четкизинден медээлерни сайт өйлеп-өйлеп салып турарын ТР-ниң Орук-транспорт яамызы дыңнаткан. Оруктарның интерактивтиг картазында эмнелге албан черлериниң, ОБЯ күштериниң адрестерин айыткан. Оон аңгыда болуп турар озал-одактарының болгаш когараан кижилерниң санын ол-ла дораан санап үндүрүп, оруктарның айыылдыг участоктарын ында көргүзүп турар. Чижээ, Тывада эң-не айыылдыг участокка – Шагаан-Арыг хоорайның Комсомольская кудумчузунда «Магнит» садыгның чоогун киирген, аңаа 8 озал-ондак болган, 23 кижи когараан. А Кызылда ындыг участокта «Найырал» кинотеатрның дужунда Кочетов кудумчузунуң кезээ кирген, 4 озал-ондакка 4 кижи когараан.
Возврат к списку
|