Тываның Кадык камгалал яамызы: республиканың 1 дугаар эмнелгезинде ниити аарыглар курстары доозулган
19.05.2017
Красноярск хоорайдан башкарыкчы специалистер Тыва Республиканың терапевт эмчилеринге ниити өөредилге курстарын эрттирген.
Кадык камгалал яамызының чалалгазы-биле келген гастроэнтеролог эмчи Ольга Байкова, пульмонолог эмчи Владимир Шестовицкий база кардиолог эмчи Владимир Шабалин 29 терапевт эмчилерге мастер класстарны эрттирип, лекцияларны номчаан. Чалаттырган эмчилер республиканың 1 дугаар эмнелгезиниң ажылы-биле таныжып, аар аарыг кижилерге консультацияларны база берген.
Республиканың терапевт эмчилери ийи ай иштинде курстарга өөренип, тестированиени эрткеш, төнчүзүнде шылгалданы дужааган. Дыңнакчылар терапия талазы-биле билиин бедиткен дугайында тускай шынзылгаларны алган. Республика эмчилериниң шиңгээдип алган билиг-мергежили, арга-дуржулгазы терапевтиг эмчи дузазының шынарын бедидеринге салдарлыг болур ужурлуг. Аалчылар республиканың 1 дугаар эмнелгезиниң специалистеринге эки утпуп хүлээп алганы дээш, четтиргенин илереткен.
Эмчи ажылдакчылары бүгү назынында өөренип кээр, өөредилге үезинде чедип алган болгаш ажылдап тургаш шиңгээткен билиг-мергежилин бедидери эмчилерге чугула херек. Чүге дизе медицина эртеми доктаамал хөгжүп, сайзыралды алган, а аарыг кижиниң аарыын шын тодарадып, чогуур эмнээшкинни бээри – эмнээриниң уран аргазында. Эмчиниң билиг-мергежилдиинден аарыг кижини шинчип, кандыг эмнерни салганындан аарыгдан сегип экириири дорт холбаалыг.
Возврат к списку
|