Тываның Баштыңы бизнести деткиир айтырыглар талазы-биле хуралга киржир дээш Екатеринбургда чеде берген

 Россияның прокурору Юрий Чайканың март 24-те Екатеринбургка эрттирер хуралынга киржир дээш, Тываның Баштыңы Шолбан Кара-оол Урал, Приволжье, Сибирь база Ыраккы Чөөн чүк федералдыг округтарның губернаторлары-биле кады ында чеде берген. Регионнарның прокуратура төлээлери база хуралга олуржур. 

 Хуралда чер-черлерде бизнестиң чидиг айтырыглары – сайгарлыкчыларны хайгаарал органнарының хоойлуга чөрүштүр хынаарын база күрүне керээлериниң күүселделерин сайгарары планнаттынганын федералдыг МИЧ-тер дыңнаткан. 

 Россияның бизнес-омбудсмени Борис Титов, Россияның Үлетпүржүлер болгаш сайгарлыкчылар эвилелиниң баштыңы Александр Шохин, Күрүне Думазының депутады Сергей Жигарев, Федерация Чөвүлелиниң кежүгүнү, ЯНАО баштыңы чораан Юрий Неелов база РФ-тиң Садыг-үлетпүр палатазының президентизи Сергей Катрин олар база хуралга киржир.