Марттың 2-ге чедир Тес-Хем кожуунда команда-штаб өөредилгелери эртип турар

 Кожууннуң өрт айыылының сезонунга белеткелин февраль 28-те эгелээн команда-штаб өөредилгелериниң үезинде тодарадыр. 

 Ниитизи-биле хыналда хемчеглерниң болгаш хөделиишкиннерниң даңзызын, база ол ышкаш нормативтиг-эрге-хоойлу документилерин бадылаан. Кожууннуң хамааты камгалалының, чурттакчы чонга дарый дыңнадырының, онза байдалды сагындырар болгаш чайладыр хөделиишкиннерниң, саң-хөө болгаш материалдыг курлавырларны чыып, тургузарының планнарын хынаары ында кирген. Кожууннуң чаңгыс аай дежурный-диспетчер албанының ажылының негелделерге дүгжүп турарын база өөредилге үезинде көөр. 

 Команда-штаб өөредилгелерин белеткээр болгаш эрттирер талазы-биле ведомстволар аразының ажылчын бөлүүнде Тываның Хамааты камгалал болгаш онза байдалдар талазы-биле албан, Федералдыг өртке удур албанның ТР-де 1 дугаар отряды, ТР-ниң Кадык камгалал яамызы, ТР-ниң Арга-арыг ажыл-агыйның күрүне комитеди, "Тывасвязьинформ" ПАН кирип турар. 

 Чурттакчылыг черлерге айыылды тургузуп болур улуг арга-арыг өрттери-биле холбаалыг бойдустуң онза байдалының үезинде хамааты камгалал талазы-биле хемчеглерни күүседиринче Ведомстволар аразының ажылчын бөлүүнүң хөделиишкиннери угланган. Тываның Чазааның даргазының оралакчызы А. Монгалдың удуртканы ОБК хуралынга өөредилгениң түңнелдерин сайгарар.  

 Команда-штаб өөредилгелерин организастаар талазы-биле ажыл Тыва Республиканың 2017 чылда хамааты камгалал, онза байдалдарны сагындырар болгаш чайладыр, өртке удур айыыл чок чорукту болгаш суг объектилеринге кижилерниң айыыл чок чоруун хандырар адырда кол хемчеглерниң планы езугаар эртип турарын сагындыраал. Эрткен чылдың декабрьда Тываның Баштыңы Ш. Кара-оол ук планны бадылаан.