Пенсия фондузу: январьда хары угда 5 000 рубль акшаны үлээр хуусааның дугайында

 Россияның Пенсия фондузунуң Тыва Республикада салбыры 5 муң рубль хемчээлдиг хары угда бээр төлевир акшаны 2017 чылдың январь 13-тен 28-ке чедир үлээрин шупту пенсия алыкчыларынга дыңнадып тур. Россияның Почтазы азы өске организация дамчыштыр алырындан хамаарылга чокка, шупту пенсия алыкчыларынга ук төлевирни ынчан чорудар.

 Январьның 13-тен ыңай хүннерде пенсия алыр кижилерге почтачылар хары угда бээр төлевирни пенсиязы-биле кады чедирер. А 3-түң хүнүнден 13-түң хүнүнге чедир пенсия ап турарларга 5 муң рубль төлевирни бо чылдың январь 13-тен 28-ке чедир бажыңынга чедирип бээр.  

 Пенсиязын кредит азы өске чедирилге организациялары дамчыштыр ап турар пенсионерлер ук төлевирни база ол үеде – 2017 чылдың январь 13-тен 28-ке чедир алыр.  

 Чаңгыс угда бээр акшаны төлевир азы пенсия херээнде айыткан документиге үндезилеп бээр болганда, РПФ-же билдириишкин биживес. Россия Федерациязының девискээринде доктаамал чурттап турар болгаш, 2016 чылдың декабрь 31-ге чедир пенсия алыкчылары болуп турар хамаатыларга төлевирни бээр. Бир эвес пенсионер кижиге ийи пенсиязының (чижээ, «шериг» пенсионер) бирээзин Пенсия фондузунуң шугуму-биле төлеп турар болза, хары угда бээр төлевирни РПФ-зи төлээр. 

 Россияның Пенсия фондузунуң Тывада территориалдыг органнарының учедунда турар 81 муң ажыг пенсия алыкчылары ол төлевирни алыр.