КЫЗЫЛДА УРУГЛАРНЫҢ НЕВРОЛОГИЯ САЛБЫРЫ АЖЫТТЫНГАН
22.11.2016
Республиканың уруглар эмнелгезинде – уруглар соматиказында чыдып эмнедир неврология салбыры ажыттынган.
Республиканың кадык камгалал сайзыралында шынап-ла чугула болуушкун, ооң мурнунда уругларның республика эмнелгезинге чүгле каш орунга нверология аарыглыг уругларга дузаны чедирип турган. Сөөлгү чылдарда тускайлаттынган эмнээшкин херек уругларның саны элээн көвүдээн. Статистиктиг сан-чурагайлардан алаш көөрге, 2015 чылда республикада 2243 инвалид уруг бар болза, оларның үш кезии нерви-биле холбаалыг аарыгларлыг.
Чаа ажыттынган салбырга хары угда 30 уругну чыттырып эмнээр. Салбырны аарыг уругларны эмнээринге херек амгы үениң дериг-херекселидери-биле бүрүн дерээн. Тускай эмчи ачы-дузазын көргүзеринден аңгыда, логопед, психологтуң кичээлдери, нугуушкун болгаш физиотерапия шактарын тускайлаан. Өөренир класстыг ойнаар өрээл, кичээлдер болгаш эмнээшкиннер аразында дыштаныр чер база белен. Уругларның неврология салбырының коллективи улуг арга-дуржулгалыг эмчилерден тургустунган.
Нерви системазында аңгы-аңгы аарыгларлыг уругларга чедингир болгаш шынарлыг эмчи дузазын хандырарынга неврология салбырын ажытканы улуг рольду ойнаар.
Возврат к списку
|