Тываның Баштыңы Федералдыг казначействонуң удуртукчузу-биле ужурашкан

 Шолбан Кара-оол Тывага ажыл-агый аайы-биле келген Россияның Федералдыг казначействозунуң баштыңы Роман Артюхин-биле ужурашкан.  

 Олар федералдыг казначейство биле республика чазааның кады ажылдажылгазының айтырыгларын ужуражылга үезинде сайгарганнар. Бюджет чээлизи база бюжеттиң деңнелдеринде касса ажылының дугайында чугаа бир кол тема болган.  

 Федералдыг казнадан чылда чүгле 0,1 хуулуг банк чээлизи бюджет системазының турум байдалын камгалап, социал хүлээлгелерни бүрүн хемчээлинге күүседип, элээн акша-хөреңгини камнап алыр аргалыг деп, республика баштыңы демлеглээн. Тываның экономиказының хөгжүлдезинге ол дыка улуг деткимче.  

 Россияның кол казначейи Шолбан Кара-оолга регионнуң казначействозун хынаан ажылдың түңнелдерин чугаалаан. Роман Артюхинниң чугаазы-биле алырга, республикада федералдыг стандарттарга дүүштүр шупту кол угланыышкыннар күүсеттинип турар болгаш, эки демдекке төлептиг.  

 Казначействода даандырган чаа угланыышкыннар, ылаңгыя саң-хөө хайгааралының дугайында чугааны база кылганнар. Казначейство саң-хөө чурумунуң хажыдыкчыларын «аңнаар» сорулгаларлыг эвес, а регионнарның бюджет системазын быжыглаарынга дузаны кадар ажылды чорудуп турарын Артюхин тайылбырлаан. 

 Ужуражылга үезинде Кара-оол муниципалдыг тургузугларга бюджет чээлизин бээр аргазын Артюхин-биле база чугаалашкан. Ведомство ачы-дузаның ол хевирин калбартырынга сонуургалдыын федералдыг казначействонуң баштыңы чугаалаан. Тываның найысылалы Кызыл хоорайның чагыргазынга чээли шугумун ажыдар айтырыгны бо чылын шиитпирлээн. 

  Тываның Баштыңы-биле байырлажып тура, москвачы аалчы республиканың бойдус чурумалын кайгап ханмаанын чугаалаан. Сан-чурагайлар-биле ажылдап өөренип каан кижи безин, мындыг каас-чараш бойдусту көргеш, шүлүк чогаадыксаары кээр-дир деп, ол чугаалаан. Казначействода даандырган чаа угланыышкыннар, ылаңгыя саң-хөө хайгааралының дугайында чугааны база кылганнар. Казначейство саң-хөө чурумунуң хажыдыкчыларын «аңнаар» сорулгаларлыг эвес, а регионнарның бюджет системазын быжыглаарынга дузаны кадар ажылды чорудуп турарын Артюхин тайылбырлаан.

 Ужуражылга үезинде Кара-оол муниципалдыг тургузугларга бюджет чээлизин бээр аргазын Артюхин-биле база чугаалашкан. Ведомство ачы-дузаның ол хевирин калбартырынга сонуургалдыын федералдыг казначействонуң баштыңы чугаалаан. Тываның найысылалы Кызыл хоорайның чагыргазынга чээли шугумун ажыдар айтырыгны бо чылын шиитпирлээн. 

  Тываның Баштыңы-биле байырлажып тура, москвачы аалчы республиканың бойдус чурумалын кайгап ханмаанын чугаалаан. Сан-чурагайлар-биле ажыдап өөренип каан кижи безин, мындыг каас-чараш бойдусту көргеш, шүлүк чогаадыксаары кээр-дир деп, ол чугаалаан.