Лариса Шойгу деткимчеге 78 хуу үннү Тывада алган

 Тывага эрткен баш бурунгаар бадылаашкынга шупту 24247 соңгукчу киришкен. Кызыл хоорайда 10 саналга участогунга 6741 кижи соңгуп келген. 

 Бадылаан кижилерниң 52,27 хуу үнүн Константин Мазуревский алган. Вера Анай-оолду – 5,33, Виктор Глуховту – 4,61, Станислав Оюнну – 4,52, Марат-оол Ондарны – 4,42, Владислав Кан-оолду – 3,32 хуу деткээн. 

 Бадылаашкын үезинде чурум хажыдыышкыннары болбаанын оргкомитет дыңнаткан.

 Праймеризтиң түңнели-биле, сентябрьның 18-те болур соңгулдаларже «Чаңгыс демниг Россиядан» Күрүне Думазынче депутатче кандидатты тодарадырын сагындыраал. Ам Тыва чаңгыс эвес, чаңгыс мандаттыг округдан база партийжи даңзыдан ийи депутатты соңгуп алыр аргалыг апарган.