Тыва ниити өөредилгеге үнелел системазын хөгжүдеринге 5 млн. рубльди алыр

 Өөредилгениң шынарынга үнелел бээр механизмни тургузарынга, РФ-тиң Чазаа субсидияларны Тыва-биле кады 29 регионга үлээн. Тыва ол сорулгага 5,5 млн. рубльди алыр.

 Россияның Чазааның даргазы Дмитрий Медведев ооң дугайында чогуур айтыышкынга атты майның эге хонуктарында салган. «Ниити өөредилгениң шупту деңнелдеринде (назы четпээннерге база) өөредилгениң шынарынга үнелелдиң регион системазын, федералдыг, регион база муниципалдыг деңнелде өөредилге чедиишкиннеринге национал монтиоринг системазын, база ол ышкаш кол ниити база ортумак ниити өөредилге программаларының талазы-биле күрүнениң төнчү аттестация чорудуун хөгжүдеринге ол күрүне деткимчези салдарны бээр ужурлуг. 2000 хире специалистер ниити өөредилгениң шынарынга база үнелел материалдарынга демдек салыр талазы-биле белеткелди эртер».