Россияның өске регионнарынга көөрде, Тыва майда бир хонук хөй дыштаныр

 Чүге дизе, майның 6 - пятница хүнүнде бүгү чуртта ажыл хүнү (кыскалаткан) болза, республика 2011 чылда референдумда хүлээп алганы бодунуң Үндезин хоойлузунуң ол хүнүн 15-ки удаа демдеглээр. 

  Бо чылын Россияда майның календарында албан езузунуң дыштанылгазының база байырлалының: 1, 2, 3, 7, 8, 9, 14, 15, 21, 22, 28 база 29-туң хүннери кирген. Оларның ийизи күрүне байырлалдары: Май 1 – Частың болгаш Күш-ажылдың байырлалы база Май 9 – Тиилелге хүнү. РФ-тиң Күш-ажыл кодекизиниң 12-ги чүүлүнде көрдүнгени езугаар, ол хүннерде ажылдавас. 2016 чылдың май 1 улуг-хүнге таварышканы-биле, ону понедельникче, май 2-же шилчиткен. Январь 2-де субботаның дыштаныр хүнүн майның 3-че шилчиткенинден, база бир дыштаныр хүннүң тыптып келгени ол. 

 Ындыг болганда, Тываның чурттакчылары майның баштайгы он хонуунда «узун дыштанылгалыг» - апрельдиң 30-ден май 3-ке чедир, оон 4 биле 5-те ажылдааш, 6, 7, 8, 9-туң хүннеринде база катап дыштаныр. Ажылчын неделя вторникте, май 10-да эгелээр.