Тываның Баштыңы бедик рейтингилиг губернаторлар бөлүүнде туружун ээлевишаан
24.03.2016
Россияның губернаторларының чаарттынган рейтингизинде Тываның Баштыңы 35-ки черни ээлээн. Ол медээлерни Хамааты ниитилел хөгжүлдезиниң фондузу (ФоРГО) парлаан.
Ооң мурнунда турганындан Ш.Кара-оол ийи туруш бедээн. Үлетпүр бүдүрүлгезиниң индекизи 108 хуу болуп, үлетпүр деңнелин бедиткеш, республиканың баштыңы туружун быжыглаан деп, эксперттер санап турар. Чуртталга объектилериниң киирилдези 111,9 хуу болган.
СФО-дан бедик рейтингилиг губернаторлар бөлүүнде Тываның Баштыңы Шолбан Кара-оолдан аңгыда, доктаамал 5-6-гы черлерден дүшпес Кемерово облазының баштыңы Аман Тулеев, Томск областың губернатору Сергей Жвачкин (44–45-ки чер) база Хакасияның баштыңы Виктор Зимин (50–51-ги чер) бар.
Россияның губернаторлар рейтингизиниң эң-не бажын Тюмень областың губернатору Владимир Якушев, Ямал-Ненец АО удуртукчузу Дмитрий Кобылкин ийиги черни, Татарстанның баштыңы Рустам Минниханов үшкү черни ээлеп турар. Сибновости.
Возврат к списку
|