Аяс Монге: Тываның Баштыңы-биле Владимир Путинниң ужуражылгазы – Президентиден улуг бүзүрел-дир

 - Президент Владимир Путин биле Тываның Баштыңы Шолбан Кара-оолдуң ужуражылгазынга хамаарыштыр мен бодумнуң таламдан ону кончуг деткип, улуг деңнелге ийи таланың чугаазы болган деп демдеглээр-дир мен.

  2015 чылдың ноябрь айда Шолбан Валерьевичиге ийиги чергениң «Ада-чурт мурнунга ачы-хавыяазы дээш» орденниң медалын Россияның Президентизи тывыскан болгай. Оон бээр эвээш үе эрткен-даа болза, бистиң Даргавысты Владимир Путин хүлээп алганы дээрге, Шолбан Валерьевичиге Владимир Путинниң улуг бүзүрели-дир. 

 Тыва бөгүн Россияның сонуурганчыг регионнарының бирээзи болуп турар. Тываны баштап тура, Шолбан Валерьевич биче болгаш ортумак бизнести сайзырадырынга хөй чүвени кылып турар. Ол боду сайгарлыкчылар ниитилелинден үнген болгаш бизнестиң шупту айтырыгларын эки билир. Ооң эгелеп кааны «Бир суур – бир бүдүрүлге» деп губернатор төлевилелиниң ачызы-биле дыка хөй сайгарлыкчылар субсидия дузаламчыны алгаш, боттарының бизнезин сайзырадып турлар. Ынчаар тудар, Шолбан Валерьевич! Силер-биле кады бис!