2016 чылда көдээ территорияларны хөгжүдер дээш Тыва 81,8 млн. рубльди алыр
03.03.2016
«Көдээ территорияларның турум хөгжүлдези» федералдыг программа-биле Тыва 81 млн. 794,9 муң рубль түңнүг субсидияны алыр. РФ-тиң Чазааның Даргазы Дмитрий Медведев февраль 29-та «2016 чылда көдээ территорияларны хөгжүдеринге федерацияның субъектилеринге субсидияны үлээриниң дугайында» № 335-р айтыышкынга атты салган.
Программаның ийи угланыышкынынга – чурттаар оран-сава тудуунга база чугула инфраструктура-биле чаагайжыдарынга федералдыг бюджеттен акшаладындырыышкынны республика бо чылын камгалап алган.
Ол акша-хөреңгиниң 54 млн. 168,9 муң рубли көдээ черде чурттап турар хамаатыларның, аныяк өг-бүлелерниң болгаш аныяк специалистерниң чуртталга байдалын экижидеринче угландырар. Арткан 27 млн. 626 муң рубль – көдээ черде чурттакчылыг пунктуларның социал объектилериниң комплекстиг чаагайжыдылгазынче база инженерлиг инфраструктуразынче киириштирер.
Инфраструктура инвестициязының түңүнден 15 млн. 456 муң рубльди - көдээ суурларда суг хандырылгазын хөгжүдеринче, 9 млн. 280 муң рубльди – школалар, 1,75 млн. рубльди – фельдшер пунктуларын база 1,14 млн. рубльди – калбак спортчу тудугларже углаарын, ат салган документиде айыткан.
Возврат к списку
|