Тываның Баштыңы Николай Якимов-биле ужурашкан

 Тываның Баштыңы Шолбан Кара-оол «Новосибирск областа стандартизацияның, метрологияның болгаш шенелделерниң күрүнениң регион төвү» федералдыг бюджет албан чериниң директору, СФО-да Метрология төвүнүң директорлар чөвүлелиниң даргазы, техниктиг башкарылга болгаш метрология талазы-биле федералдыг агентилелдиң директорлар чөвүлелиниң кежигүнү Николай Якимов-биле ужурашкан. 

 Ужуражылга үезинде «Тыва Республикада стандартизацияның, метрологияның болгаш шенелделерниң күрүнениң регион төвү» федералдыг бюджет албан чериниң чугула айтырыгларын чугаалашкан, ол албан черинде ажылдакчыларның штат саны 16 кижи чедип турар. Тывага чедирип турар метрология ачы-дузазының хемчээлин камгалап арттырарының, албан чериниң медээ бээр хуусаазын чогумчалыг болдурарының, хемчээл дериг-херекселдерин хынаар специалистер-биле четчелээриниң дугайында база чугаалашкан. 

 Ол чугаага Тываның экономика сайыды Елена Каратаева, а ол ышкаш «Тыва Республикада стандартизацияның, метрологияның болгаш шенелделерниң күрүнениң регион төвү» федералдыг бюджет албан чериниң директорунуң хүлээлгезин күүседип турар Вадим Сат олар киришкен. 

 Федералдыг бюджет албан чериниң айтырыгларының талазы-биле чөвүлел хурал эрттирерин Елена Каратаевага дааскан.