«Чаңгыс суур – чаңгыс бүдүрүлге» төлевилелиниң киржикчилери «Тыва Экспо-2015» делгелгеде идепкейлиг ажылдап турар

 «Тыва Экспо» делгелге-ярмарказынга «Чаңгыс суур –чаңгыс бүдүрүлге» губернатор төлевилелиниң дыка хөй киржикчилери боттарының бараанын профессионал экспертизаже киирип, конкурс эртери шагда-ла чаа чүүл эвес. 

 Үш дугаар чыл школачы хеп-сын даарап турар хууда сайгарлыкчы Эмма Монгуш оларның бирээзи. 2013 чылда ол бодунуң продукциязының шынарынга «Тыва Экспонуң» алдын медалын чаалап алган. Чаа-Хөл биле Улуг-Хем кожууннарның школаларында ооң тергиин даараан чараш костюмнарын кеткен школачылар кайы хөй. 

 Бизнес-лединиң чугаазы-биле алырга, республиканың өске кожууннарындан база чагыглар бар: «Делгелгеге киржилге – боттуң бараанын садып-саарарының аргазы база кезээде чаа клиентилер-дир. Визиткаларывысты берип каарывыска, элээн үе эрткен соонда чаа чагыглар албан кээр. Хостуг үеде үш даараныкчы, чамдыкта улуг чагыгларны үезинде доозар дээш 10-даа хире кижи ажылдай бээр бис. Херек апарганда бажыңнарында даараныкчыларны база эвилелдээр бис».