Тыва чазактың кежигүннери, муниципалдар база Чөөн-Хемчиктиң аныяктары баскетболга ойнааннар
25.07.2015
Байырлал хемчеглериниң аразында басктбол маргылдаазы чок, ынчалза-даа хайымныг ол хүнде Тыва чазактың кежигүннери, муниципалдар база Чөөн-Хемчиктиң аныяктары баскетболга ойнааннар.
Үш команда шагда-ла спортчу хептерин кедипкен. Республиканың баштыңы ажыл-агый-даа, байырлал-даа хүннеринде кээр болза, чоруурунуң мурнунда баскетболга ойнаары чаңчыл апарган. Ынчангаш шупту чүве белен. Чурттакчы чонну кадык амыдыралче кыйгырып тургаш, боттары үлегер-чижээн көргүспес болза, таарышпас деп, ооң негелдези ол.
Маргылдаалар кандыг-даа байдалга эрткилээр. Оожум-даа, а чамдыкта изиг-изиг, чижээ Кызыл кожуунга эрткени дег. Чазак кежигүннери (Шолбан Кара-оол, Юрий Ооржак, Юрий Килижеков, Орлан Донгак, Болат-оол Ондар болгаш өскелер-даа) кирген командага удур Кызыл кожууннуң чагыргазы, кыдыындан аныяктарны киириштирипкенин, сөөлзүредир оюн чидиглени бээрге, билип кааннар… А Чөөн-Хемчиктиң аныяктары үшкү черни ээлээн, кожуун чагыргазы чазак кежигүннеринге ойнадыпкан. Баскетбол маргалдаазының түңнелин хүреш маргылдаазының үезинде чарлаан.
Баскетбол маргылдаазының соонда шупту хүреш көөрү-биле чорупкан.
Возврат к списку
|