31.12.2014
Республиканың хүндүлүг чурттакчылары!
Үнүп орар Чаа чыл-биле болгаш Христостуң төрүттүнгени-биле чүректиң ханызындан чедирген байырымны хүлээп ап көрүңер!
Ол байырлалдар кажан-даа онзагай, өг-бүлениң чылыг чоруу-биле, төрел болгаш чоок кижилерниң ынакшылы-биле бисти бүргеп чоруур.
Эртип турар чыл биске эң эки чүүлдерни, аайлажыышкыннарны болгаш хуу чедиишкиннерни арттырган. А Чаа чылда ыдыктыг күзелдеривис бүдер, өөрүшкү болгаш аас-кежии элбек болур!
Бистиң бүгү эгелээшкиннеривиске болгаш кылган чүүлдеривиске чедиишкин келир болзун, тодуг-догаа чорук немешсин, чогаадыкчы чаа идеяларывыс амыдыралга боттаныр болзун!
2015 чыл республиканың чурттакчы бүрүзүнге депшилгелиг хөй-хөй саналдарны болгаш оларны шиитпирлээриниң аргаларын, чедиишкинниг ажыл-херектерни болгаш күүсеттинген планнарны өргүүр болзун!
Бистиң күзел-чүткүлдеривиске бот-боттарывыска ачы-дуза, сырый каттыжыышкын болгаш чаагай сеткил каттышсын!
Чаа чыл-биле!
Тыва Республиканың Хөй-ниити палатазының даргазы Х. Монгуш.
* * *
Бистиң хөй националдыг республикавыста эргим чаңгыс чер-чурттугларывыс, хүндүлүг хоочуннар! Хоочуннар (пенсионерлер) чөвүлелиниң Тыва регион салбырының президиумунуң болгаш хоочуннарның хоорай чөвүлелиниң президиумунуң өмүнээзинден силерге Чаа 2015 чыл-биле болгаш Христостуң төрүттүнгени-биле чүректиң ханызындан байыр чедирип тур бис.
Бөгүнгү чедип алдынган бүгү чүүлдер силерниң күш-ажылыңарның үре-түңнели-дир, чурттакчы бүрүзү, аңгы мергежилдиң болгаш назы-харның кижилери төрээн республиказының экономиказын быжыглаарынга боттарының салыышкынын киирип келген дээрзи билдингир.
/нүп орар ногаан Хой чылы силерниң аал-ораныңарга тайбыңны, чаагай сеткилди болгаш ынакшылды сөңнээр болзун! Силерге быжыг кадыкшылды, хоочуннарның ажыл-херектеринге сырый эвилелди күзеп тур бис.
Тыва Республиканың Хоочуннар чөвүлелиниң даргазы С.К. Долгар.
Кызыл хоорайның Хоочуннар чөвүлелиниң даргазы О.К. Дамдын.