Уругларның эрге-ажыы дээш...

Эрткен неделяда Чөөн-Хемчик кожуунга Уругларның бүрүн эргелиг төлээзиниң хү­­нүн­­­де Тыва Республикада Уруг­ларның бүрүн эргелиг төлээзи Светлана Аракчаа Чадаана хоорайның чагыргазынга  хуралды эрттирген.

Аңаа тус черниң социал политика талазы-биле даргазының оралакчызы Мариана Монгуш, ТР-ниң Хөй-ниити палатазының кежигүнү Аида Бюрбю, Чөөн-Хемчик кожууннуң Төлээлекчилер хуралының депутады Роза Монгуш, кожууннуң назы четпээннер инспекторлары, суму бүрү­­­зүнден төлээлер база ада-иелер киришкен. 

Светлана Аракчаа бодунуң ажылын таныштырган соонда, ада-иелер, уруглар азырап алган болгаш хайгаа­ралда ажы-төл алган өг-бүлелерниң айтырыгларынга харыыларны берген. Оон аңгыда кожуунда  уругларның эрге-ажыы кайы хире камгалаттынып турарын, ол талазы-биле хажыдыышкыннарның бар-чогун илередип, корум-чорум үүлгедиишкиннеринге каш уруг киришкенин болгаш ону канчаар сайгарып турарын хуралга чугаалашкан.

Светлана Аракчаа 4 уруг азырап алган өг-бүлеге, уруглар садтарынга, спорт школазынга, социал төпке чедип, арга-сү­­ме кадып, ажыл-агыйжы чугааны кылган.

Чыылган чонга боттарының кылган календарьларын, брошюраларын үлээн.

Шончалай ХОВАЛЫГ.

Авторнун тырттырган чуруу. Чурукта: Светлана Аракчааның "Хээлер" уруглар садының чаштары-биле ужуражып турары.