Тывада республика болгаш муниципалитеттер башкарылгазында театр, концерт база культура-дыштанылга албан черлеринче халас кирер эргени тускай шериг операциязының киржикчилеринге болгаш оларның өг-бүлелеринге берген. 

2024 чылдың түңнелдеринге даянгаш, Тывада эки турачы дружиналар кежигүннерин чазак болгаш ведомство шаңналдары-биле демдеглээн.

Амгы үеде Тываның Баштыңы Владислав Ховалыг Москва хоорайда ажылчын сургакчылаашкында-даа болза, республикада байдалды билип, Кызылга мигрантыларже халдаашкыннар дугайында бодунуң блогунда бижээн. 

Тывада чоокку алды чылда суггарылгалыг черлерниң шөлү үш ажыг катап көвүдээр. 

Тываның социал четкилеринге даштыкы хамааты Кызыл хоорайның назы четпээн чурттакчызынче күш дөгеп халдаанының соонда ВИЧ-халдавырны чыпшырган дугайында меге бижикти таратканындан, Кызылда даштыкы чурттарның  төлээлеринче элээн каш бөлүк халдаашкыннар болган.

Сибирь федералдыг округда Россияның Президентизиниң бүрүн эргелиг төлээзи бодунуң байыр чедириишкининде күрүне тургузуунуң кол принциптерин быжыглаарынга Россия Федерациязының Үндезин хоойлузунуң ролюн демдеглээн.

Тываның парламентизи 2025 чылда база планныг 2026 биле 2027 чылдарда республика бюджединиң дугайында хоойлу төлевилелин хүлээп алган. Келир чылда регионалдыг бюджеттиң орулгалары 64 млрд 540 млн 954,5 муң рубль, а чарыгдалдары – 65 млрд 881 млн 80,3 муң рубль кылдыр көрдүнген.

Бөгүн – Россия Федерациязының Конституциязының хүнү. Тываның Баштыңының Владислав Ховалыг күрүне байырлалы-биле республиканың чурттакчыларынга байырны чедирген.

Тываның найысылалынга республиканың соңгулда системазының 30 чыл оюнга тураскааткан элээн каш хемчеглер болуп эрткен. 

Бөгүн Тываның Чазаның бажыңынга, Тыва Республиканың Чазааның Даргазының оралакчызы Айдың Чюдюктуң удуртулгазы-биле Тыва Республикада сепаратисчи, националисчи хөөннүг кыжаныышкыннарның, массалыг үймээннер болгаш экстремисчи угланыышкынныг кем-херек үүлгедиишкиннериниң тыптып база тараарын болдурбас болгаш аңаа удур дүрген хөделир республика штавының хуралы болуп эрткен.

Тыва чурттакчы чоннуң хар-назыны-биле Россия Федерациязының эң аныяк субъектилериниң бирээзи болуп артпышаан: республиканың чурттакчы чонунуң үштүң бир кезии, азы чурттакчыларының ниити санының 31,7 хуузу – 14 хардан 35 харга чедир аныяктар. 

Тываның Чазаа «Көдээ ажыл-агый ажыглалдыг черлерни ажыглаарының дугайында» регионалдыг хоойлунуң төлевилелин Дээди Хуралга сайгарар кылдыр дамчыткан. 

Хоорай мэриязының медээзи-биле алырга, декабрь 9-та немелде котелду одап эгелээн. Бөгүнде ийи котел агрегады ажылдап турар, ам бир котел курлавырда.

Россияның Президентизиниң Сибирь федералдыг округда бүрүн эргелиг төлээзи Анатолий Серышевтиң «Күзелдер Шивизи» ачы-буян акциязында киржири чаагай чаңчыл апарган. 

Тываның Баштыңы Владислав Ховалыг Россияның экологтуг операторунуң чиңгине директору Денис Петрович Буцаев-биле ажылчын ужуражылга үезинде республикада бок болбаазырадыр системаны эде кылырынга кол рольдуг улуг хемчээлдиг инвестиция төлевилелин – Тывада бокту аңгылаар полигоннуг комплекс тудуун чугаалашкан.