Апрель 8 - Шериг комиссариадының ажылдакчыларының хүнү

Кожуун чагыргазының аппарат хуралында кожуун чагыргазының даргазы Б.М.Балбак, кожууннуң баштыңы-төлээлекчилер Хуралының даргазы А.М.Кара-Сал Улуг-Хем, Чаа-Хөл кожууннарның шериг комиссариадының ажылдакчыларынга профессионал байырлалын таварыштыр байырын чедирген.

Бистиң кожуун республиканың улуг кожууннарының бирээзи. Күскү болгаш часкы шериг келдириишкининче планны күүседири-биле улуг ажылды кылып чорудуп турар.
2022 чылдан тура чуртта нарын байдал тургустунуп, тускайлаттынган шериг операциязы эгелээни-биле шериг албан-хүлээлгелиглер-биле ажыл шыңгыыраан.

Шериг назы чеде берген оолдарның шериг келдириишкинин билдилиг чорудуп, шериг албан-хүлээлгелиглер-биле ажылды болгаш ТШО-га хамаарышкан айтырыгларны шиитпирлээр ажылды күүседип турар кожууннуң шериг комиссариадының ажылдакчыларынга хөй чылдарда ак сеткилдиг ажылы дээш Улуг-Хем кожуун чагыргазының Хүндүлүг бижиктерин:
— шериг комиссариадының фельдшери Рада Эрес-ооловна Кунгаага,
— шериг комиссарының саң-хөө талазы-биле улуг дузалакчызы Майа Белековна Күжүгетке,
— шериг комиссарының профессионал шилилге болгаш шериг келдириишкинин организастаар талазы-биле улуг дузалакчызы Омак Александрович Монгушка,
— шериг комиссариадының дежурныйы Александр Тимурович Сааяга,
— шериг комиссарының шериг учедунуң талазы-биле дузалакчызы Чинчи База-ооловна Базырга тывыскан.

Профессионал байырлалын таварыштыр кожууннуң шериг комиссариадының ажылдакчыларынга ажыл-ижинге чедиишкиннерни күзедивис!

«Улуг-Хем солунунуң» сайтызындан