Россияның Чепсектиг Күштеринче Тывадан шериг оолдарны часкы келдириишкин езугаар аъткарып эгелээн.
Часкы шериг келдириишкини-биле чогуур хыналдаларны эрткен 200 оолду Тываның шериг комиссариадының чыылда пунктузундан Россия Федерациязының Чепсектиг Күштериниң одуруунга албан-хүлээлгезин эрттирери-биле чоруткан.
Тывадан оолдарны Кургаг чер шериглериниң Барыын болгаш Чөөн шериг округтарынче хувааган. Чаңчыл езугаар, шеригже аъткарар бетинде оолдарны чайгы болгаш кышкы хеп-сын-биле хандырган. Оон аңгыда, шериг эрттирер оолдар амы-хууда электроннуг банк карталары болгаш соталыг телефоннарга сим-карталарны, албан-хүлээлгезин эрттирер черинге чедир чемненир аъш-чемин алган.
Шеригже аъттанып турар оолдарга чалаткан аалчылар, удуртукчулар, хөй-ниити албан черлериниң төлээлери, ада-иелер чагыг-сөзүн берип, шериг хүлээлгезин эки эрттирер чылыг күзээшкиннерин чугаалаан.
Шеригже часкы келдириишкинде чуртувустуң Чепсектиг Күштериниң одуруунче ниитизи-биле Тывадан 650 ажыг кижини чорудары планнаттынган.
![Сухопутные.JPG Сухопутные.JPG](/upload/medialibrary/a8d/nt5wh93iceshgm9s85a0sed9x3qbjfew/Сухопутные.JPG)
![собеседование 2.JPG собеседование 2.JPG](/upload/medialibrary/a90/g3z3ksc19wpd6jhqj816pnzv2dhorr19/собеседование%202.JPG)
![собеседование.JPG собеседование.JPG](/upload/medialibrary/61e/w96wcvfzpn17m6u5iqoy0e4aa8w7ak0u/собеседование.JPG)
![Космические.JPG Космические.JPG](/upload/medialibrary/1aa/tif6928pkl3zuzl44crn0rehphtl6wqw/Космические.JPG)
Тыва Республиканың Шериг комиссариады