В Тээли прошел марафон по сбору средств на строительство памятника участникам СВО и их матерям
"Келир үени камгалаары дээш
Эрткен үени кадагалаары!"...
Тускайлаттынган шериг операциязынга чартык мөөңнээшкинниң үезинде амы-тынын өргээн Бай-Тайга кожууннуң маадырлыг оолдарынга авалар комитединиң "Келир үени камгалаары дээш, Эрткен үени кадагалаары!" деп мемориал-тураскаалды Тээли сумузунга тургузар деп эгелээшкинин кожууннуң удуртулгазы деткээн.
Мемориал-тураскаалды чоннуң деми-биле кылып тургузарынга ачы-дуза концерти март 21-ниң хүнүнде Бай-Тайга кожууннуң Тээли сумузунда Н.Өлзей-оол аттыг культура одаанга болуп эрткен. Тыва республиканың база Бай-Тайга кожууннуң улустуң алдарлыг артистериниң киржилгези-биле солун программалыг кежээ бедик деңнелге эрткен.
Тураскаалды сиилбип тургузуп турар Сибирьде билдингир скульптор, Тыва республиканың уран чүүлүнүң алдарлыг ажылдакчызы, найысылалда билдингир тураскаалдарның авору Александр Ойдуп боду аалдап келгеш, чонга ону кандыг уткалыг, канчаар кылып турарының дугайында чыылган чонга делгереңгей тайылбырны берген.
Болуп эртип турар хемчегге Тыва республиканың Дээди Хуралының (парланментизинин) депутады Ужар-оол Александрович Иргит, Тыва республиканың Чазааның иштики политиказының департаментизиниң инспектору Буян Биновович Кужугет, Тыва республиканың иелер комитединиң удуртукчузу Алимаа Кара-ооловна Лопсан, сураглыг даш чонукчузу Лориса Матпаковна Норбу сумуларның төлээлери база амгы үеде чок болган маадырларның эш-өөрү, чоок төрелдери дээш чон арбын болган.
Бай-Тайга кожууннуң удуртулгазы ук хемчегге киржип , буянныг үүлеге холун сунуп келген чонга, аалчыларга өөрүп четтиргенин илередип, ак-көк дээривиске тайбың тиилезин деп йөрээлди салган.
