Үлегерлиг ада, тыва турачы – Лагаан Сезендейович

Дээди Хуралдың Даргазы база парламент комитединиң даргазы Лагаан Ланаа-биле ужурашканнар

Дээди Хуралдың Даргазы Кан-оол Даваа база парламент комитединиң даргазы Эрес Хуурак тускай шериг операция үезинде шериг хүлээлгезин күүседип тургаш маадырлыы-биле амы-тынын берген дайынчының ачазы Лагаан Ланаа-биле ужурашканнар. Лагаан Ланаа боду база ТШО-нуң киржикчизи. Кан-оол Даваа: «Бөгүн тускай шериг операцияның Маадыры, Калининград областа Балтий флодунуң далай шерииниң улуг матрозу, эштерин камгалап тургаш амы-тынын берген Ай-Херел Ланааның ачазы Лагаан Сезендейович-биле ужураштывыс. 

2022 чылда Лагаан Сезендейович, бистиң коллегавыс Эрес Хуурак-биле кады, Балтий флодунуң командылалының чалалгазы-биле оглунуң шериг кезээнге барып, Калининградка Кол далай парадынга киришкен. 

Оглу эрес-дидими-биле чок болган соонда Лагаан Сезендейович боду тускай шериг операциязының девискээринче эки турачылап чорупканын эвээш кижи билир. Бир чыл дургузунда аңаа тургаш, ам бо үеде Тываже чанып келген. Керээниң хуусаазы доозулган, хар-назын база улгадып турар деп ол чугаалады. 

Лагаан Сезендейович-биле санаторлуг-курорт эмнээшкинин, эмчи шинчилгезин эрттирерин чугаалаштывыс. Хүндүлүг хоочунувуска бүгү-ле айтырыглар-биле дузалажырын кызыдар бис».

Хоолгалаан