Бай-Тал сумуга тускайлаттынган шериг операцияның маадыры Сыргыт-оол Бежендейниң адын мөңгежиткен

Май 10- да суурувустуң маадырлыг оолдарының бирээзи, төөгү шагдан чүгүрүктер мунукчузу, даш дег кадыг эрес-дидим чуртувус оглу, ада-чуртун камгалап, Украинада болуп турар тускайлаттынган шериг операциязынга эрес-дидим тулчуп тургаш, маадырлыы-биле амы-тынын берген 55- ки мотоадыгжы батальонунуң дайынчызы, часпас адыгжы, Россия Федерациязының Президентизиниң 2024 чылдың февраль 21- де үндүрген чарлыы-биле  ''Эрес-дидим чоруу дээш'' деп медальдың эдилекчизи Сыргыт-оол Бежендей Бежен-ооловичиниң хөрек-чуруунга сактыышкын мөгейигни кылган.

Бай-Тал сумузунуң ВУС специализи Хертек Людмила сактып чугалаан: «Сыргыт-оол Бежендей Бежен-оолович малчын өг-бүлеге улуг оглу болуп төрүттүнген. Бай-Тал суурнуң Н. С. Конгар аттыг ниити ортумак өөредилге школазын 1-ги класстан 11 класска чедир чедиишкинниг дооскан. Эрес-кежээ, чазык, кезээде хүлүмзүрүп, каттырып чоруур маадырывыс».

Авазы Сыргыт-оол Марида Васильевна ол хүн Чазактың болгаш Дээди Хуралдың шаңналдары-биле шаңнатырган. Шаңналдарны Бай-Тайга кожууннуң Баштыңы Экер Байыс база Бай-Тал сумузунуң баштыңы Каң Салчак тывыскан.

ТР-ниң шериг комиссариады

Чуруктар Интернетте социал четкилеринден