Тываның чурттакчыларын «Билиг» ниитилелдиң бүгү-российжи онлайн-оюнунга киржиринче чалап тур

«Билиг» российжи ниитилелдиң организастааны «Өскелерниң гректерже оруу: бодалдарның, кижилерниң болгаш технологияларның сайзыралының муң чыл төөгүзү» деп бүгү-российжи онлайн-викторинага садыг-саарылга оруктарының хөгжүлдезиниң төөгүзүнге хамаарыштыр билиглерин хынаар кылдыр Тываның чурттакчыларын чалап турар.

Бир куратор база алды киржикчи – чеди кижиден тургустунган команданы чыггаш, чагыгны киирер. Төлевилелдиң сайтызынга сентябрь 30-ге чедир бүрүткедир, оюн боду октябярь 1-де болур. «Билиг» российжи ниитилелдиң албан езунуң бөлүүнде шөлүгге викторинаның дорт дамчыдылгазы Москва шагы-биле 14.00 шакта эгелээр.

Блогер, төөгү башкызы болгаш «Классная тема!» бүгү-российжи конкурстуң тиилекчилериниң бирээзи Александр Оджо оюнну эрттирер. Командалар беш чаданы эртип, IX–X чүс чылда болуушкуннарның болгаш билдингир кижилерниң дугайында айтырыгларга харыылаар. Маргылдааның шупту киржикчилеринге «Билиг» российжи ниитилелден сертификаттарны тыпсыр.

Октябрь 15-ке чедир уламчылаар хемчеглер чурттуң шупту 89 регионун хаара тудар.