Тыва Свердловск округунуң өрттен когараан чурттакчыларынга дузаны көргүзер

Тыва өрттер ужун онза байдал чарлаан  Луганск Улус Республикага деткимчени көргүзер. Республиканың Баштыңы Владислав Ховалыг социал четкилерде бодунуң арынынга ооң дугайында дыңнаткан.

«Бистиң шефтээшкинивисте Свердловск муниципалдыг округда онза байдал чуруму чарлтынган. Он-он бажыңнар өрттенген. Кижилер когаравааны, өршээлдиг. Шак бо шакта оларга деткимче-дуза дыка херек» - деп, Тываның удуртукчузу демдеглээн.

Дарганың даалгазы-биле, свердловчуларга дуза чыылдазы республикада эгелээн. Озал-ондакка таварышкан чурттакчыларга чүү чүве чугула херегин  округтуң удуртукчузу Андрей Сухачев биле Тываның төлээзи Дмитрий Деренко дарый дыңнадыптар болган.

Сентябрь 17-де регионну арга-арыг өрттери хөме алганы-биле Луганск Улус Республикада регионалдыг деңнелдиг онза чурум чарлаттынган. Секундада 30 метр чедип турар күштүг хат өрттерни өжүреринге шаптыктаан. Сентябрьның 16-да, эртенги шакта республика девискээринде 143 өрттү өжүргенин Россияның Онза байдалдар яамызы дыңнаткан.  Понедельникте өрт ЛУР-нуң  Ольховое  суурже шилчип, чуртталга бажыңнарынче дамчаан.

Россияның беш регионунуң ОБЯ ажылдакчылары өрт өжүреринде киржип турар, бо чоокку үеде өртчүлерниң каттышкан үш бөлүүн ында манап турар.